شگر نگران وزیر داخلہ گلگت بلتستان ساجد علی بیگ نے امامیہ جامع مسجد شگر کا دورہ کیا، جہاں انہوں نے علمائے کرام سے تفصیلی ملاقات
رپورٹ، 5 سی این نیوز
شگر نگران وزیر داخلہ گلگت بلتستان ساجد علی بیگ نے امامیہ جامع مسجد شگر کا دورہ کیا، جہاں انہوں نے علمائے کرام سے تفصیلی ملاقات کی اس موقع پر انہوں نے کہا کہ یکم مارچ گلگت بلتستان کی تاریخ کا سیاہ ترین دن ہے، ایسا واقعہ اس سے پہلے کبھی رونما نہیں ہوا۔ بلتستان جیسے پرامن علاقے میں اس نوعیت کا واقعہ پیش آنا لمحۂ فکریہ ہے۔ انہوں نے کہا کہ بلتستان امن، محبت اور بھائی چارے کے حوالے سے پوری دنیا کے لیے ایک رول ماڈل کی حیثیت رکھتا ہے، مگر یکم مارچ کے سانحے نے نہ صرف قیمتی جانیں ضائع کیں بلکہ علاقے کے تشخص کو بھی مجروح کی انہوں نے مزید کہا کہ جلاؤ گھیراؤ کے باعث املاک کو نقصان پہنچا جن عمارتوں کو دوبارہ تعمیر کیا جا سکتا ہے، لیکن کھوئی ہوئی جانیں واپس نہیں لائی جا سکتیں، جس پر جتنا بھی افسوس کیا جائے کم ہے علمائے کرام سے خطاب کرتے ہوئے ساجد علی بیگ نے کہا کہ پاک فوج، بالخصوص فورس کمانڈر سید امتیاز حسین گیلانی، امن کے قیام کے لیے مخلصانہ کوششیں کر رہے ہیں اور مفاہمتی پالیسی پر عمل پیرا ہیں، جو کافی حد تک کامیاب ہو چکی ہے۔ انہوں نے امید ظاہر کی کہ بلتستان کے علمائے کرام بھی اس مفاہمتی عمل کو آگے بڑھانے میں اپنا کردار ادا کریں گے انہوں نے کہا کہ بھارت ہمارا ازلی دشمن ہے، جس نے یکم مارچ کے واقعات کو بڑھا چڑھا کر پیش کیا اور گلگت بلتستان و پاکستان کو بدنام کرنے کی کوشش کی۔ اب ہم سب کی ذمہ داری ہے کہ مل کر دشمن کے مذموم عزائم کو ناکام بنائیں انہوں نے کہا کہ وطن سے محبت ایمان کا حصہ ہے اور گلگت بلتستان کے عوام سب سے زیادہ محب وطن ہیں، جو دشمن کے ناپاک عزائم کو ناکام بنائیں گے ساجد علی بیگ نے کہا کہ پاکستان، برادر اسلامی ملک ایران کے ساتھ مشکل وقت میں شانہ بشانہ کھڑا ہے اور ہر ممکن تعاون کر رہا ہے، جس کا عملی مظاہرہ بھی دیکھنے میں آتا ہے انہوں نے علمائے کرام سے اپیل کی کہ وہ امن کا پیغام لے کر گلگت اور دیامر کے علاقوں تک جائیں تاکہ بھائی چارے اور ہم آہنگی کو مزید فروغ دیا جا سکے۔ انہوں نے کہا کہ سوشل میڈیا کسی کے مکمل کنٹرول میں نہیں، اس لیے علمائے کرام محراب و منبر کے ذریعے عوام کو اس کے مثبت اور منفی استعمال سے آگاہ کریں تاکہ مستقبل میں ایسے سانحات سے بچا جا سکے انہوں نے مزید کہا کہ انجمن امامیہ گلگت بلتستان کے چارٹر آف ڈیمانڈ پر اپیکس کمیٹی میں غور و خوض کے بعد جوڈیشل کمیشن بنانے کا فیصلہ کیا گیا ہے جو شفاف تحقیقات کر رہا ہے امید ہے کہ انصاف ضرور ملے گا اور جن شرپسند عناصر نے جذبات کو بھڑکا کر حالات خراب کیے، انہیں قانون کے مطابق سزا دی جائے گی جبکہ کسی بے گناہ کو گرفتار نہیں کیا جائے گا
آخر میں انہوں نے کہا کہ حکومت عوام اور پاک افواج مل کر بلتستان کے امن کو برقرار رکھیں گے اور علاقے کی ترقی کے لیے مشترکہ اقدامات جاری رکھیں گے.

urdu news update Gilgit-Baltistan Interior Minister

ضلع شگر میں تاریخی عظمتِ شہداء کانفرنس کا انعقاد، تمام مکاتبِ فکر سے تعلق رکھنے والے علما کرام، عمائدین اور عوام نے ہزاروں کی تعداد میں شرکت

محنت کی عظمت. آمینہ یونس ،بلتستانی