گلگت بلتستان کی حالیہ واقعات کے پیش نظر سکردو ایئرپورٹ سے قومی اور بین الاقوامی سیاحوں کو زبردستی اسلام آباد واپس بھیجنے کی خبریں،ایسا کرنا علاقے کے ساتھ ناانصانی ہے
رپورٹ، مہدی اکمل اسکردو 5 سی این نیوز
گلگت بلتستان کی حالیہ واقعات کے پیش نظر سکردو ایئرپورٹ سے قومی اور بین الاقوامی سیاحوں کو زبردستی اسلام آباد واپس بھیجنے کی خبریں،ایسا کرنا علاقے کے ساتھ ناانصانی ہے
بلتستان کو ہمیشہ امن، مہمان نوازی اور قدرتی حسن کی وجہ سے ایک پرامن خطہ تصور کیا جاتا رہا ہے، تاہم حالیہ ایک واقعے کو بنیاد بنا کر پورے گلگت بلتستان کے خلاف ایسے اقدامات سامنے آ رہے ہیں جو نہ صرف تشویشناک ہیں بلکہ مقامی معیشت کے لیے بھی خطرہ بن سکتے ہیں۔ اطلاعات کے مطابق سکردو ایئرپورٹ سے قومی اور بین الاقوامی سیاحوں کو زبردستی اسلام آباد واپس بھیجنے کی خبریں گردش کر رہی ہیں۔ اگر یہ اطلاعات درست ثابت ہوتی ہیں تو یہ اقدام سیاحوں کے اعتماد کو شدید ٹھیس پہنچانے کے ساتھ ساتھ سکردو اور پورے گلگت بلتستان کے سیاحتی شعبے کو ناقابل تلافی نقصان پہنچا سکتا ہے۔ ماہرین کے مطابق گلگت بلتستان کی معیشت کا بڑا دارومدار سیاحت پر ہے، اور ایسے فیصلے نہ صرف موجودہ سیاحتی سیزن کو متاثر کریں گے بلکہ مستقبل میں بھی سیاحوں کی آمد میں واضح کمی کا باعث بن سکتے ہیں۔ اس صورتحال کے نتیجے میں ہوٹل انڈسٹری، ٹرانسپورٹ، گائیڈز اور دیگر وابستہ شعبوں سے جڑے ہزاروں افراد کے روزگار کو شدید خطرات لاحق ہو سکتے ہیں۔
مقامی عوام نے اس اقدام کو “معاشی قتل” قرار دیتے ہوئے سخت تشویش کا اظہار کیا ہے اور حکام بالا سے مطالبہ کیا ہے کہ اس معاملے کا فوری نوٹس لیا جائے۔ عوام کا کہنا ہے کہ کسی ایک واقعے کو جواز بنا کر پورے خطے کی ساکھ اور معیشت کو نقصان پہنچانا کسی صورت قابل قبول نہیں۔
عوامی حلقوں نے چیف سیکرٹری اور مقامی انتظامیہ کی کارکردگی پر بھی سوالات اٹھاتے ہوئے شفاف تحقیقات کا مطالبہ کیا ہے، تاکہ حقائق سامنے لائے جا سکیں اور آئندہ ایسے اقدامات سے گریز کیا جائے۔ شہریوں اور سٹیک ہولڈرز نے حکومت سے اپیل کی ہے کہ سیاحوں کے ساتھ باوقار اور مہذب رویہ یقینی بنایا جائے، تاکہ گلگت بلتستان کا مثبت تشخص برقرار رہے اور سیاحت کا سلسلہ بلا تعطل جاری رہ سکے۔

Thank you for reading this post, don't forget to subscribe!

urdu news update Forced Repatriation of Tourists from Skardu Airport

دو عیدیں ایک ساتھ , 21 مارچ عید نوروز اور عید الفطر . طہٰ علی تابشٓ بلتستانی

کامیابی کا خفیہ کوڈ: 24 گھنٹے۔ منظور نظر اسکردو

شگر پولیس نے حشوپی سے تعلق رکھنے والے نوجوان کو گرفتار کر لیا، شگر کی حالات کشدہ