سکردو بجلی کی بندش کے ساتھ موبائل سگنلز بھی غائب، عوام پریشان
رپورٹ، 5 سی این نیوز
سکردو بجلی کی بندش کے ساتھ موبائل سگنلز بھی غائب، عوام پریشان
سکردو میں بجلی کی بندش کے ساتھ ہی موبائل فون سگنلز کا غائب ہونا روز کا معمول بن گیا ہے، جس پر شہریوں میں شدید تشویش پائی جاتی ہے۔ صارفین کا کہنا ہے کہ جیسے ہی بجلی جاتی ہے، موبائل نیٹ ورک بھی بند ہو جاتا ہے، جس سے رابطوں میں شدید مشکلات پیش آتی ہیں۔
شہریوں نے الزام عائد کیا ہے کہ موبائل ٹاورز پر نصب جنریٹرز کے لیے مختص فنڈز میں مبینہ طور پر خردبرد کی جا رہی ہے، جس کے باعث بجلی کی بندش کے دوران جنریٹرز فعال نہیں کیے جاتے۔ عوام کا کہنا ہے کہ موبائل کمپنیوں کی ذمہ داری ہے کہ بجلی نہ ہونے کی صورت میں بھی سروس بحال رکھنے کے لیے متبادل انتظامات یقینی بنائیں۔
متاثرہ صارفین نے پاکستان ٹیلی کمیونیکیشن اتھارٹی (پی ٹی اے) سے مطالبہ کیا ہے کہ اس معاملے کا فوری نوٹس لیا جائے اور موبائل کمپنیوں کو پابند کیا جائے کہ وہ بجلی کی بندش کے دوران بھی اپنے ٹاورز کو جنریٹرز کے ذریعے فعال رکھیں تاکہ شہریوں کو مسلسل مواصلاتی سہولت میسر رہ سکے۔
شہریوں نے خبردار کیا ہے کہ اگر اس مسئلے کو حل نہ کیا گیا تو انہیں مزید مشکلات کا سامنا کرنا پڑے گا، خصوصاً ہنگامی حالات میں رابطہ منقطع ہونا سنگین نتائج کا باعث بن سکتا ہے۔

Thank you for reading this post, don't forget to subscribe!

urdu news update Disappearance Signals skardu

پاکیزہ عشق . طہ علی تابشٓ بلتستانی

الیکشن کمیشن گلگت بلتستان اسمبلی کے عام انتخابات 2026 کے لیے مختلف اضلاع میں ڈسٹرکٹ ریٹرننگ آفیسرز کی تقرری کا باقاعدہ نوٹیفیکیشن جاری کر دیا ہے

مضبوط جوان، مضبوط پاکستان منظورنظرؔ (اسکردو بلتستان)

نکاح متعہ اور یونیورسٹیز میں ہونے والی نئی فیشن ۔ طہٰ علی تابشٓ بلتستانی