شگر ڈپٹی کمشنر شگر عارف حسین، ایس ایس پی شگر وزیر نیک عالم اور اسسٹنٹ کمشنر شگر فیصل حیات گوندل نے مدرسہ معصومین شگر کا دورہ کیا،
رپورٹ، 5 سی این نیوز
شگر ڈپٹی کمشنر شگر عارف حسین، ایس ایس پی شگر وزیر نیک عالم اور اسسٹنٹ کمشنر شگر فیصل حیات گوندل نے مدرسہ معصومین شگر کا دورہ کیا، جہاں انہوں نے چیف سیکرٹری گلگت بلتستان اور انسپکٹر جنرل پولیس کی جانب سے رہبرِ معظم کی شہادت پر علمائے کرام سے تعزیت و تسلیت کا اظہار کیا۔ اس موقع پر وفد نے علمائے کرام سے ملاقات کرتے ہوئے شہادت کے بعد پیدا ہونے والی صورتحال، عوامی جذبات اور ضلع میں امن و امان کی مجموعی کیفیت پر تفصیلی گفتگو کی۔ ضلعی انتظامیہ اور پولیس حکام نے شگر میں مثالی امن برقرار رکھنے پر علمائے کرام کے کردار کو سراہتے ہوئے انہیں خراجِ تحسین پیش کیا۔ علمائے کرام نے بھی باہمی ہم آہنگی، صبر و تحمل اور اتحاد کی فضا کو قائم رکھنے کے عزم کا اعادہ کیا اور کہا کہ شگر کے عوام ہمیشہ امن، رواداری اور قانون کی پاسداری کو مقدم رکھتے ہیں۔
ملاقات خوشگوار ماحول میں اختتام پذیر ہوئی، جس میں باہمی رابطوں کو مزید مضبوط بنانے پر اتفاق کیا گیا۔

urdu news update Deputy Commissioner Shigar

ہو خوابِ ہجر یا ہووے کسی وصال کا خواباساسِ عشق سے اٹھتا ہے ہر کمال کا خواب

شگر میں رہبرِ معظم کی شہادت پر دوسرے روز بھی سوگ و احتجاج، اسرائیل و امریکہ کے خلاف نعرے، ضلع شگر میں رہبرِ معظم کی شہادت پر دوسرے روز بھی فضا سوگوار