مرکزی جامع مسجد امام موسیٰ بن جعفرؑ کمپلیکس ضلعی ہیڈکوارٹر سادات گوہری میں آج بروز جمعرات 9 اپریل 2026 کو انجمنِ امامیہ بلتستان کی ہدایت پر انجمنِ امامیہ کھرمنگ کے زیرِ اہتمام چہلمِ ، علامہ سید باقر الحسینی شرکت
رپورٹ، 5 سی این نیوز
مرکزی جامع مسجد امام موسیٰ بن جعفرؑ کمپلیکس ضلعی ہیڈکوارٹر سادات گوہری میں آج بروز جمعرات 9 اپریل 2026 کو انجمنِ امامیہ بلتستان کی ہدایت پر انجمنِ امامیہ کھرمنگ کے زیرِ اہتمام چہلمِ ، علامہ سید باقر الحسینی شرکت
مرکزی جامع مسجد امام موسیٰ بن جعفرؑ کمپلیکس ضلعی ہیڈکوارٹر سادات گوہری میں آج بروز جمعرات 9 اپریل 2026 کو انجمنِ امامیہ بلتستان کی ہدایت پر انجمنِ امامیہ کھرمنگ کے زیرِ اہتمام چہلمِ شہیدِ مقاومت اور تکریمِ شہدائے ملت کے سلسلے میں ایک عظیم الشان تعزیتی کانفرنس منعقد ہوئی۔
تقریب میں صدر انجمنِ امامیہ بلتستان علامہ سید باقر الحسینی، آغا مظاہر موسوی سمیت دیگر سیاسی و سماجی شخصیات نے شرکت کی۔ اس کے علاوہ ضلع کھرمنگ کے مختلف علاقوں مہدی آباد تا محاذ ایرا سے آئمہ جمعہ، علمائے کرام، میر واعظین، ذاکرین اور عوام الناس کی کثیر تعداد شریک ہوئی۔
اجلاس کا آغاز تلاوتِ کلامِ پاک سے ہوا، جس کے بعد علمائے کرام اور مقررین نے شہیدِ مقاومت آیت اللہ العظمیٰ سید علی خامنہ ای کو خراجِ عقیدت پیش کرتے ہوئے دیگر شہدائے ملت کی عظیم قربانیوں کو بھی زبردست انداز میں سراہا۔
مقررین نے یکم مارچ کو پیش آنے والے ناخوشگوار واقعے پر گہرے دکھ اور افسوس کا اظہار کرتے ہوئے کہا کہ ریاستی اداروں سے کسی قسم کا تصادم مقصود نہیں، تاہم بعض پالیسیوں پر سنجیدہ تحفظات موجود ہیں۔ انہوں نے پاک فوج سے مطالبہ کیا کہ حالیہ واقعے کے تناظر میں عوام کو عام معافی دے کر خطے کے امن کو مستحکم بنایا جائے۔ ساتھ ہی ضلعی انتظامیہ کو متنبہ کیا گیا کہ بلاجواز گرفتاریاں بند کی جائیں اور زیرِ حراست افراد کو فوری طور پر رہا کیا جائے۔
کانفرنس کے دوران شرکاء نے امریکہ و اسرائیل کے خلاف شدید نعرے بازی کی اور رہبر معظم سید مجتبیٰ خامنائی کے ساتھ تجدیدِ عہد کا اظہار بھی کیا۔
اس موقع پر ضلعی انتظامیہ کی جانب سے فول پروف سیکیورٹی کے سخت انتظامات کیے گئے تھے، جبکہ ریسکیو 1122 کی ٹیمیں بھی ہائی الرٹ رہیں۔ ڈپٹی کمشنر کھرمنگ اور ایس پی کھرمنگ نے خود سیکیورٹی انتظامات کا جائزہ لیا۔
تقریب کے اختتام پر صہیونی ریاست کی نابودی، ملتِ ایران کی کامیابی اور پاکستان کے استحکام کے لیے خصوصی دعائیں کی گئیں۔ آخر میں صدر انجمنِ امامیہ بلتستان نے 12 اپریل کو منعقد ہونے والی چہلمِ شہیدِ رہبر میں شرکت کی عمومی دعوت دی۔ صدر انجمن امامیہ کھرمنگ علامہ سید علی الموسوی کی جانب سے تمام شرکاء، علمائے کرام اور ضلعی انتظامیہ کا شکریہ ادا کیا گیا، جبکہ ایک متفقہ قرارداد پیش کر کے اجلاس کا اختتام کیا گیا۔
urdu news update Central Jamia Masjid
امریکہ اور اسرائیل کے غرور کو خاک میں ملانے پر ایران کو سرخ سلام . سابق وزیر داخلہ گلگت
