ضلع شگر میں بین المسالک ہم آہنگی اور یکجہتی کا خوبصورت مثال
رپورٹ، عابد شگری 5 سی این نیوز
ضلع شگر میں بین المسالک ہم آہنگی اور یکجہتی کا خوبصورت مثال ، جماعت اہلِ سنت والجماعت اہلحدیث ضلع شگر کے ایک وفد نے نائب امیر اہلحدیث ضلع شگر مولانا اشرف علی کی قیادت میں معروف شیعہ علماء سے ملاقات کی اور رہبرِ معظم آیت اللہ سید علی حسینی خامنہ ای کی شہادت پر دلی تعزیت کا اظہار کیا۔ وفد نے داعیٔ امن، حجتہ الاسلام والمسلمین امام جمعہ والجماعت جامع مسجد شگر خاص آغا طحہ الموسوی، معروف عالم دین حجتہ الاسلام والمسلمین علامہ آغا محمد سعید الموسوی اور امام جمعہ حشوپی شیخ کاظم زاکری سے اُن کی رہائش گاہ پر ملاقات کی۔ اس موقع پر آیت اللہ سید علی حسینی خامنہ ای کی شہادت پر گہرے رنج و غم کا اظہار کرتے ہوئے اسے پوری امتِ مسلمہ کا سانحہ قرار دیا گیا۔ وفد کے ارکان نے آیت اللہ خامنہ ای کی امتِ مسلمہ کے لیے خدمات، اُن کی بصیرت افروز قیادت اور عالمی سطح پر امت کے مسائل کے حوالے سے اُن کے کردار کو خراجِ عقیدت پیش کیا۔ اس موقع پر ایران پر ہونے والے حملوں اور بالخصوص امتِ مسلمہ کے قائد آیت اللہ خامنہ ای کو نشانہ بنانے کے واقعے کی شدید الفاظ میں مذمت بھی کی گئی۔ ملاقات کے دوران علماء کرام نے اس بات پر زور دیا کہ موجودہ حالات میں امتِ مسلمہ کے درمیان اتحاد و اتفاق کی ضرورت پہلے سے زیادہ ہے۔ انہوں نے اس بات کا اعادہ کیا کہ اسلام دشمن قوتوں کی سازشوں کا مقابلہ باہمی اتحاد، اخوت اور بصیرت کے ساتھ کیا جائے گا۔آغا طہ الموسوی اور علامہ آغا محمد سعید الموسوی نے اس دکھ کی گھڑی میں اظہارِ یکجہتی کے لیے آنے والے وفد کا شکریہ ادا کیا اور ضلع شگر میں علماء اور عوام کی جانب سے امن و امان برقرار رکھنے کی کوششوں کو قابلِ ستائش قرار دیا۔ وفد میں مولانا اشرف علی نائب امیر جماعت اہلحدیث شگر، مولانا عبدالقیوم سورش نائب امیر جماعت اسلامی شگر، حاجی محمد نزیر چیئرمین زکوٰۃ کمیٹی یو سی چھورکا، محمد اسماعیل ممبر زکوٰۃ کمیٹی یو سی چھورکا، عبدالقادر امیر جماعت اسلامی شگر، رضوان اللہ شگری ممبر امن کمیٹی ضلع شگر اور مولانا عبداللہ خان الچوڑی شامل تھے۔

urdu news update Beautiful Example

نگران وزیر اعلی نے انجمن امامیہ بلتستان کا دورہ، سید علی خامنائی کی شہادت پر تعزیت اور فاتحہ خوانی

8 مارچ: یومِ خواتین تاریخ، تناظر اور معاشرتی تقاضے ۔یاسمین اختر طوبیٰ ریسرچ اسکالر گوجرہ، پاکستان