شگر انجمن امامیہ شگر کے ضلعی صدر کے انتخاب کیلئے اہم اجلاس، سید عباس الموسوی متفقہ طور پر صدر منتخب
رپورٹ، 5 سی این نیوز
شگر انجمن امامیہ شگر کے ضلعی صدر کے انتخاب کیلئے اہم اجلاس، سید عباس الموسوی متفقہ طور پر صدر منتخب
شگر انجمن امامیہ شگر کے ضلعی صدر کے انتخاب کیلئے اہم اجلاس، سید عباس الموسوی متفقہ طور پر صدر منتخب، ضلع شگر میں انجمن امامیہ بلتستان کے پلیٹ فارم پر علاقائی امور میں مؤثر مشاورت، حکمت عملی کی تشکیل اور اہم فیصلہ سازی میں نمائندگی کو یقینی بنانے کے لیے ایک اہم مشاورتی اجلاس جامع مسجد شگر خاص میں منعقد ہوا، جس میں ضلع بھر کے جید علمائے کرام نے شرکت کی۔ اجلاس کا بنیادی مقصد ضلعی سطح پر قیادت کا انتخاب، تنظیمی ڈھانچے کو فعال بنانا اور عوامی مسائل کے حل کیلئے مربوط لائحہ عمل تشکیل دینا تھا۔ اس موقع پر شرکاء نے انجمن امامیہ کے پلیٹ فارم کو مزید مضبوط اور مؤثر بنانے کی ضرورت پر زور دیا۔ ضلعی صدر کے انتخاب کے عمل کو شفاف، منظم اور باوقار بنانے کے لیے ایک اعلیٰ سطحی مجلسِ نظارت تشکیل دی گئی، جس میں حجۃ الاسلام سید عباس الموسوی، حجۃ الاسلام سید سعید الموسوی، حجۃ الاسلام سید طہٰ شمس الدین الموسوی، حجۃ الاسلام شیخ محمد مبلغی، حجۃ الاسلام شیخ ہاشم فصیحی، حجۃ الاسلام شیخ محمد کاظم ذاکری اور حجۃ الاسلام شیخ اشرف حسین قمی شامل تھے۔ مجلسِ نظارت کے اراکین نے باہمی مشاورت، علاقائی تقاضوں اور تنظیمی مفاد کو مدنظر رکھتے ہوئے تفصیلی غور و خوض کیا۔ اس موقع پر بزرگ عالم دین و استادِ حوزہ، حجۃ الاسلام والمسلمین سید سعید الموسوی نے منصبِ صدارت کیلئے حجۃ الاسلام والمسلمین سید عباس الموسوی کا نام پیش کیا، جس کی تمام اراکین نے متفقہ طور پر تائید کی۔
بعد ازاں اجلاس کے اختتام پر مسئول قاضی محکمہ شرعیہ و امام جمعہ والجماعت، حجۃ الاسلام والمسلمین سید عباس الموسوی کو انجمن امامیہ شگر کا ضلعی صدر منتخب کر لیا گیا۔
اجلاس کے شرکاء نے امید ظاہر کی کہ نو منتخب ضلعی صدر اپنی علمی، دینی اور سماجی خدمات کے ذریعے انجمن کو مزید فعال، منظم اور مؤثر بنائیں گے اور علاقائی مسائل کے حل میں کلیدی کردار ادا کریں گے۔
urdu news update Anjuman-e-Imamia Shigar
خونِ رہبر اور وحدتِ امت مسلمہ . محمد بشیر حیدری
