علمائے شگر کے ایک وفد نے صدر انجمنِ امامیہ بلتستان حجۃ الاسلام والمسلمین علامہ آغا سید باقر الحسینی اور کابینہ اراکین سے ملاقات کی، جس میں خطے کی مجموعی صورتحال، امن و امان اور عوامی مسائل پر تفصیلی غور کیا گیا۔
رپورٹ، 5 سی این نیوز
علمائے شگر کے ایک وفد نے صدر انجمنِ امامیہ بلتستان حجۃ الاسلام والمسلمین علامہ آغا سید باقر الحسینی اور کابینہ اراکین سے ملاقات کی، جس میں خطے کی مجموعی صورتحال، امن و امان اور عوامی مسائل پر تفصیلی غور کیا گیا۔
ملاقات کے دوران سینئر نائب صدر انجمنِ امامیہ بلتستان علامہ شیخ زاہد حسین زاہدی نے حالیہ صورتِ حال پر جامع بریفنگ دی، جبکہ دیگر علمائے کرام نے بھی اپنے خیالات کا اظہار کرتے ہوئے مختلف امور پر تبادلۂ خیال کیا۔اجلاس کے اختتام پر خطاب کرتے ہوئے صدر انجمنِ امامیہ بلتستان علامہ آغا سید باقر الحسینی نے کہا کہ انجمن کی جانب سے متعلقہ اداروں کے سامنے چارٹر آف ڈیمانڈ پیش کیا جاچکا ہے اور امید ظاہر کی کہ حکام عوامی مطالبات کو سنجیدگی سے لیتے ہوئے ان پر فوری عملدرآمد یقینی بنائیں گے۔
انہوں نے مزید کہا کہ انجمنِ امامیہ بلتستان خطے میں پائیدار امن کی خواہاں ہے، اس لیے متعلقہ اداروں سے مطالبہ کیا گیا ہے کہ غیر ضروری گرفتاریوں سے گریز کیا جائے تاکہ عوام میں بے چینی پیدا نہ ہو۔
صدر انجمن نے نوجوانوں کو ہدایت دیتے ہوئے زور دیا کہ وہ سوشل میڈیا کا مثبت، ذمہ دارانہ اور تعمیری استعمال کریں اور کسی بھی قسم کی منفی سرگرمی یا بے بنیاد پروپیگنڈے سے دور رہیں۔اجلاس کے اختتام پر خطے میں پائیدار امن و استحکام کے قیام کے لیے باہمی تعاون اور مشترکہ لائحہ عمل اپنانے کے عزم کا اعادہ کیا گیا۔
urdu news update Anjuman-e-Imamia Baltistan
شگر ملک بھر کی طرح ضلع شگر میں بھی 23 مارچ یومِ پاکستان قومی جذبے اور جوش و خروش کے ساتھ منایا گیا
