شگر علامہ اقبال اوپن یونیورسٹی میں منعقدہ 5ویں انٹرنیشنل کانفرنس برائے ابتدائی بچپن کی نشوونما (ECD) میں البیان فاؤنڈیشن نے نمایاں شرکت
رپورٹ، 5 سی این نیوز
شگر علامہ اقبال اوپن یونیورسٹی میں منعقدہ 5ویں انٹرنیشنل کانفرنس برائے ابتدائی بچپن کی نشوونما (ECD) میں البیان فاؤنڈیشن نے نمایاں شرکت کرتے ہوئے اپنی خدمات اور منصوبوں کو مؤثر انداز میں پیش کیا۔ کانفرنس میں قومی و بین الاقوامی ماہرینِ تعلیم، پالیسی سازوں، محققین اور سماجی تنظیموں کے نمائندگان نے شرکت کی، جہاں ابتدائی بچپن کی تعلیم و نشوونما سے متعلق آگاہی، تحقیق اور عملی اقدامات پر تبادلہ خیال کیا گیا۔ البیان فاؤنڈیشن کی جانب سے ایک جامع نمائشی اسٹال قائم کیا گیا، جس میں تعلیم، صحت، صاف پانی کی فراہمی اور کمیونٹی ڈویلپمنٹ کے شعبوں میں جاری منصوبوں کو اجاگر کیا گیا۔ شرکاء نے فاؤنڈیشن کی کارکردگی خصوصاً دور دراز اور پسماندہ علاقوں میں خدمات کی فراہمی کو سراہا۔ فاؤنڈیشن کے چیف ایگزیکٹو آفیسر ایوب شگری، سابق فیلڈ مانیٹرنگ اینڈ ایجوکیشن آفیسر اور محمد تقی نے کانفرنس کے مختلف سیشنز میں شرکت کی اور اپنے تجربات و خیالات کا اظہار کیا۔ اس موقع پر دیگر اداروں اور ماہرین کے ساتھ روابط کو فروغ دینے اور باہمی تعاون کے امکانات پر بھی بات چیت کی گئی۔ کانفرنس کے شرکاء نے البیان فاؤنڈیشن کی کاوشوں کو ایک مؤثر اور مثالی ماڈل قرار دیتے ہوئے کہا کہ ادارہ بنیادی سہولیات کی فراہمی کے ساتھ ساتھ پائیدار ترقی کے اہداف کے حصول میں اہم کردار ادا کر رہا ہے۔ البیان فاؤنڈیشن نے اس عزم کا اعادہ کیا ہے کہ وہ آئندہ بھی معاشرے کے محروم طبقات کی فلاح و بہبود اور معیارِ زندگی میں بہتری کے لیے اپنی خدمات جاری رکھے.
urdu news update Al-Bayan Foundation
امریکہ اور اسرائیل کے غرور کو خاک میں ملانے پر ایران کو سرخ سلام . سابق وزیر داخلہ گلگت
