سسر کی محنت کی کمائی ہے، قبول نہیں کر سکتا’، دلہے نے جہیز میں ملنے والے لاکھوں روپے ٹھکرا دیے
رپورٹ، 5 سی این نیوز
سسسر کی محنت کی کمائی ہے، قبول نہیں کر سکتا’، دلہے نے جہیز میں ملنے والے لاکھوں روپے ٹھکرا دیے.بھارت میں ایک دلہے نے سسرال کی جانب سے جہیز میں ملنے والے لاکھوں روپے ٹھکرا کر سب کے دل جیت لیے۔
بھارتی میڈیا کے مطابق 22 نومبر کو مظفرنگر میں شادی کی تقریب میں 26 سالہ دلہے نے دل کو چھو لینے والی مثال قائم کرتے ہوئے جہیز میں 31 لاکھ بھارتی روپے(97 لاکھ پاکستانی روپے) لینے سے انکار کر دیا اور صرف 1 روپیہ بطور شگون قبول کیا۔ شادی کی تقریب کے مہمانوں کے مطابق 24 سالہ دلہن، جس کے والد کورونا کی وجہ سے انتقال کر گئے تھے، کے گھر والوں نے شادی کے موقع رسم کےلحاظ سے 31 لاکھ روپے دلہے کیلئے ایک تھال میں سجا کر رکھے تھے۔
لیکن دلہے نے جہیز کے پیسے لینے سے انکار کرتےہوئے کہا کہ میرا اس پر کوئی حق نہیں۔ یہ دلہن کے والد کی محنت کی کمائی ہے، میں اسے قبول نہیں کر سکتا۔ روایت سے ہٹ کر دلہے کے اس فیصلے نے سب کو حیران کر دیا۔ بھارتی میڈیا کے مطابق دلہے کے والدین نے بھی اس کے فیصلے کی مکمل حمایت کی جبکہ دلہن کے اہلِ خانہ نے دل سے شکریہ ادا کیا۔بعد ازاں شادی کی دیگر رسومات خوشی کے ساتھ ادا کی گئیں اور پھر دلہن مسکراہٹ اور عزت کے ساتھ اپنے سسرال روانہ ہوئی۔ تقریب میں موجود افراد نے دلہے کے اس قدم کو جہیز کے خلاف مضبوط پیغام قرار دیا۔

Thank you for reading this post, don't forget to subscribe!

urdu news update

راولپنڈی اسلام آباد میں نجی ہاؤسنگ سوسائٹی اسکینڈل، شہریوں سے کھربوں روپے کے فراڈ کا انکشاف

پاکستان انجینئرنگ کونسل کے ورکنگ گروپ کا اجلاس ، یکساں ٹیکنکل الاؤنس کی نفاذ پر زور

اسلامی تحریک میں کسی بھی سطح پر اختلاف کی خبریں بے بنیاد اور من گھڑت قرار، شبیر میثمی