صوبائی دارالحکومت گلگت میں مبینہ اغوا کی کوشش، سپیشل برانچ کے ایک ڈرائیور کو نوکری سے فارغ اور اہم انکشافات
رپورٹ، 5 سی این نیوز
صوبائی دارالحکومت گلگت میں مبینہ اغوا کی کوشش، سپیشل برانچ کے ایک ڈرائیور کو نوکری سے فارغ اور اہم انکشافات
صوبائی دارالحکومت گلگت میں مبینہ اغوا کی کوشش کے معاملے پر سپیشل برانچ کے ایک ڈرائیور کو نوکری سے فارغ کر دیا گیا۔ ذرائع کے مطابق متعلقہ اہلکار کا تعلق ضلع گلگت سے بتایا جاتا ہے اور واقعے کے بعد محکمہ پولیس نے فوری محکمانہ کارروائی عمل میں لاتے ہوئے اسے ملازمت سے برطرف کر دیا۔
دوسری جانب عوامی حلقوں کی جانب سے یہ سوال بھی اٹھایا جا رہا ہے کہ سپیشل برانچ کے اہلکار محمد علی، کھرمنگئ جو مبینہ طور پر نوکری کا جھانسہ دے کر شہریوں سے رقم وصول کرنے کے الزامات کا سامنا کر رہے ہیں، ان کے خلاف کب کارروائی کی جائے گی۔ مقامی ذرائع کا کہنا ہے کہ محمد علی عرف “ڈی آئی جی” پر الزام ہے کہ انہوں نے سرکاری نوکری دلانے کے نام پر رقم وصول کی، جو کہ بظاہر ایک سنگین قانونی جرم کے زمرے میں آتا ہے۔
شہریوں کا کہنا ہے کہ اگر کوئی شخص سرکاری ملازمت کا جھانسہ دے کر پیسے وصول کرے تو یہ نہ صرف فراڈ ہے بلکہ محکمہ پولیس کی ساکھ کو بھی متاثر کرتا ہے۔ عوامی حلقوں نے گلگت بلتستان پولیس کی اعلیٰ قیادت سے مطالبہ کیا ہے کہ معاملے کی شفاف تحقیقات کر کے ذمہ داروں کے خلاف سخت قانونی کارروائی کی جائے۔ شہریوں نے آئی جی پی گلگت بلتستان سے فوری نوٹس لینے اور دونوں معاملات کی غیر جانبدارانہ انکوائری کرانے کا مطالبہ کیا ہے تاکہ قانون کی بالادستی یقینی بنائی جا سکے اور محکمہ پولیس پر عوام کا اعتماد بحال رہے۔

Thank you for reading this post, don't forget to subscribe!

urdu news updat Attempted Abduction in Gilgit

>یہ کہانی صرف نوجوان لڑکیوں کے لیے ہے۔کچھ غلطیوں کی سزا عمر بھر بھگتنی پڑتی ہے۔

سکردو میں غیر معیاری کوکنگ آئل، مصالحہ جات اور ایل پی جی گیس کی فروخت کا انکشاف

گریجویشن کے بعد بندہ کریں تو کیا کرے. طہٰ علی تابش بلتستانی