ضلع شگر میں تین روزہ انسدادِ پولیو مہم کا باقاعدہ آغاز کر دیا
رپورٹ، 5 سی این نیوز
ضلع شگر میں تین روزہ انسدادِ پولیو مہم کا باقاعدہ آغاز کر دیا
ضلع شگر میں تین روزہ انسدادِ پولیو مہم کا باقاعدہ آغاز کر دیا گیا، جس کا مقصد پانچ سال سے کم عمر بچوں کو پولیو جیسے موذی مرض سے محفوظ بنانا ہے۔ افتتاحی تقریب میں ڈپٹی کمشنر شگر عارف حسین، اسسٹنٹ کمشنر فیصل حیات گوندل اور ڈسٹرکٹ ہیلتھ آفیسر ڈاکٹر بشیر جان نے بچوں کو پولیو کے قطرے پلا کر مہم کا آغاز کیا۔ ضلعی انتظامیہ کے مطابق مہم تین روز تک جاری رہے گی، جس کے دوران ضلع بھر میں 13 ہزار سے زائد بچوں کو پولیو سے بچاؤ کے قطرے پلائے جائیں گے، جبکہ بچوں کو وٹامن ڈی کی خوراک بھی فراہم کی جائے گی۔ مہم کی مؤثر نگرانی اور کامیابی کے لیے 88 موبائل ٹیمیں تشکیل دی گئی ہیں جو گھر گھر جا کر بچوں کو قطرے پلائیں گی۔ انتظامیہ کی جانب سے شگر کے داخلی اور خارجی راستوں پر خصوصی چیک پوائنٹس بھی قائم کیے گئے ہیں تاکہ کوئی بھی بچہ پولیو کے قطرے پینے سے محروم نہ رہے۔ حکام کے مطابق شگر آنے والے سیاحوں کے بچوں کو بھی پولیو کے قطرے پلانا لازمی قرار دیا گیا ہے اور بغیر قطرے پلائے داخلے کی اجازت نہیں ہوگی۔مقررین نے اس موقع پر کہا کہ پولیو سے پاک پاکستان ہمارا مشترکہ مشن اور قومی فریضہ ہے، جس میں کسی قسم کی کوتاہی ناقابلِ معافی ہے۔ انہوں نے واضح کیا کہ جہاں بھی والدین بچوں کو پولیو کے قطرے پلانے سے انکار کریں گے وہاں پولیس اور قانون نافذ کرنے والے ادارے حرکت میں آئیں گے۔
urdu news udpate Three-Day Anti-Polio Campaign
امریکہ اور اسرائیل کے غرور کو خاک میں ملانے پر ایران کو سرخ سلام . سابق وزیر داخلہ گلگت
گلگت: اشکومن پریمیئر لیگ سیزن فائیو کے انعقاد کے لیے اہم ملاقات
