وفاقی وزیرداخلہ سے امریکہ کی قائم مقام سفیر کی ملاقات، بھارت نے جنوبی ایشیا کے امن کو داو پر لگا جر علاقائی کشیدگی میں اضافہ کیا، محسن نقوی
وفاقی وزیرداخلہ سے امریکہ کی قائم مقام سفیر کی ملاقات، بھارت نے جنوبی ایشیا کے امن کو داو پر لگا جر علاقائی کشیدگی میں اضافہ کیا، محسن نقوی ، دفاع وطن کے لئے دشمن کو بھرپور جواب دیا، اپنی سلامتی پر آنچ نہیں آنے دیں گے
اسلام آباد (اعجاز حسین سے) وفاقی وزیرداخلہ محسن نقوی سے امریکہ کی قائم مقام سفیر نیٹلی بیکر نے ملاقات کی۔ امریکہ کے پولیٹیکل قونصلر زیک ہارکن رائیڈر اور وزیر مملکت داخلہ طلال چوہدری بھی اس موقع پر موجود تھے۔ ملاقات میں بھارت کے حملے کے بعد پیدا ہونے والی صورتحال پر تبادلہ خیال کیاگیا۔ وفاقی وزیرداخلہ محسن نقوی نے قائمقام امریکی سفیر کو بھارتی حملے سے پیدا ہونے والی صورتحال کے بارے بریف کرتے ہوئے کہا کہ بھارت نے جنوبی ایشیا کے امن کو داو پر لگا دیا ہے، بھارت نے علاقائی امن کو تار تار کیا ہے۔ محسن نقوی نے کہا کہ بھارت نے شہریوں کو نشانہ بنا کر بین الاقوامی قوانین کو پامال کیا۔ انہوں نے کہا کہ پاکستان نے دفاع وطن کے لئے دشمن کو بھرپور جواب دیا، پاکستان انتہائی تحمل کا مظاہرہ کیا، لیکن ہم اپنی سلامتی پر آنچ نہیں آنے دیں گے۔ انہوں نے اس بات پر زور دیا کہ بھارت کے خطرناک عزائم سے پہلے ہی دوست ممالک کو آگاہ کر دیا تھا۔

urdu news, pakistan india crisis