وفاقی وزیر امور کشمیر و گلگت بلتستان انجینیئر امیر مقام کا پرونشل ایمرجنسی سنٹر امد۔چیف سیکریٹری گلگت بلتستان ابرار احمد مرزا اور ڈائریکٹر جنرل گلگت بلتستان ڈیزاسٹر مینجمنٹ اتھارٹی نے وفاقی وزیر کا استقبال کیا۔
رپورٹ. 5 سی این نیوز
وزیراعظم محمد شہباز شریف سیلابی صورتحال اور امدادی کارروائیوں کی نگرانی کر رہے ہیں۔ وفاقی وزیر امیر مقام نے حالیہ سیلابی صورتحال کے تناظر میں صوبائی ایمرجنسی کنٹرول روم گلگت کا دورہ کیا- سیکرٹری داخلہ علی اصغر اور ڈائریکٹر جنرل گلگت بلتستان ڈیزاسٹر مینجمنٹ اتھارٹی نے وفاقی وزیر کو متاثرہ علاقوں اور جاری امدادی کارروائیوں پر تفصیلی بریفنگ دی۔ بریفنگ سیشن میں چیف سیکریٹری گلگت بلتستان ابرار احمد مرزا سمیت دیگر اعلیٰ سرکاری افسران نے بھی شرکت کی اور سیلاب سے پیدا ہونے والی صورتحال پر تفصیلی رپورٹس پیش کیں۔
اس موقع پر فیڈرل سیکریٹری برائے امور کشمیر و گلگت بلتستان ظفر حسن اور سابق وزیر اعلیٰ و صوبائی صدر مسلم لیگ (ن) گلگت بلتستان حفیظ الرحمن بھی وفاقی وزیر کے ہمراہ موجود تھے۔ مزید برآں، صوبائی وزیر انجینیئر محمد انور، صوبائی وزیر غلام محمد سمیت دیگر اعلیٰ حکام بھی اس موقع پر موجود تھے۔ وفاقی وزیر نے انتظامیہ کی کاوشوں کو سراہتے ہوئے وفاقی حکومت کی جانب سے مکمل تعاون کی یقین دہانی کرائی وفاقی وزیر نے ہدایت کی کہ متاثرہ علاقوں میں فوری ریلیف کی فراہمی یقینی بنائی جائے۔
urdu news, land sliding in gilgit baltistan