شگر ، ڈپٹی کمشنر شگر ولی اللہ فلاحی کا تحصیلدار گلاب پور کے ہمراہ بندو گاؤں کا تفصیلی دورہ ، بندو گاؤں، تحصیل گلاب پور کا ایک پسماندہ علاقہ ہے جہاں روایتی راستوں اور چراگاہوں پر ناجائز تجاوزات کے خلاف رضاکارانہ مہم جاری ہے.
رپورٹ، 5 سی این نیوز
شگر ، ڈپٹی کمشنر شگر ولی اللہ فلاحی کا تحصیلدار گلاب پور کے ہمراہ بندو گاؤں کا تفصیلی دورہ ۔ بندو گاؤں، تحصیل گلاب پور کا ایک پسماندہ علاقہ ہے جہاں روایتی راستوں اور چراگاہوں پر ناجائز تجاوزات کے خلاف رضاکارانہ مہم جاری ہے۔ یہ مہم ضلعی انتظامیہ کی ہدایت پر مقامی علماء و عمائدین نے شروع کی ہے، جو باقاعدگی سے جاری ہے۔ ڈی سی شگر نے موقع پر تجاوزات ہٹانے کے عمل کا معائنہ کیا اور مقامی کمیٹی و عمائدین کی کاوشوں کو سراہا۔ انہوں نے تحصیلدار شگر کو اس عمل کی مکمل نگرانی کرنے اور کمیٹی سے قریبی تعاون کی ہدایت دی۔ عمائدین سے گفتگو کرتے ہوئے ڈی سی شگر نے کہا کہ ضلعی انتظامیہ کی جانب سے تجاوزات کے خلاف قانونی کارروائیاں جاری ہیں، تاہم عوام کی جانب سے رضاکارانہ تعاون قابل تحسین ہے۔ انہوں نے زور دیا کہ مہم میں برابری کی بنیاد پر عمل کیا جائے اور کسی بااثر یا امیر شخص کو رعایت نہ دی جائے۔ اگر کوئی شخص کمیٹی کے فیصلے کو نہ مانے تو اس کے خلاف سخت قانونی کارروائی عمل میں لائی جائے گی اور مشینری کے ذریعے آپریشن کیا جائے گا۔ ڈی سی شگر نے تحصیلدار گلاب پور اور حلقہ پٹواری کو بندو گاؤں کے تمام قبرستانوں کی ریکارڈ کے مطابق نشاندہی کرنے کی بھی ہدایت کی۔ تجاوزات کرنے والوں کو فوری طور پر نوٹس جاری کرنے اور عدم تعاون کی صورت میں آپریشن کرنے کا حکم دیا۔مقامی عمائدین اور عوام نے ڈی سی شگر اور تحصیلدار گلاب پور کا شکریہ ادا کیا اور گاؤں کے دیگر مسائل سے بھی آگاہ کیا، جن کے حل کی یقین دہانی کرائی گئی.
urdu news, gilgit baltistan news