متنازع ٹوئٹ کیس: ایمان مزاری اور ہادی چٹھہ کیخلاف ٹرائل کا باقاعدہ آغاز، فرد جرم عائد
رپورٹ، 5 سی این نیوز
ایمان مزاری اور ہادی علی چٹھہ کے خلاف متنازع ٹویٹ کیس میں ٹرائل کا باقاعدہ آغاز ہوگیا، ڈسٹرکٹ اینڈ سیشن کورٹس اسلام آباد نے ایمان مزاری اور ہادی علی چٹھہ پر فرد جرم عائد کر دی۔ ڈسٹرکٹ اینڈ سیشن کورٹس اسلام آباد میں ایمان مزاری اور ہادی علی چٹھہ کے خلاف متنازع ٹوئٹ کیس کی سماعت ایڈیشنل ڈسٹرکٹ اینڈ سیشن جج محمد افضل مجوکہ نے کی، ایمان مزاری اور ہادی علی چٹھہ فرد جرم کے وقت کورٹ روم میں موجود نہیں تھے۔
عدالت نے استفسار کیا کہ ایمان مزاری اور ہادی علی چٹھہ کہاں ہیں؟ معاون وکیل نے کہا کہ وہ عدالت میں پیش ہوئے تھے، اب راولپنڈی میں پیشی پر گئے ہیں۔ عدالت نے کہا کہ ملزمان کس سے اجازت لے کر گئے ہیں؟ عدالت کی جانب سے فرد جرم پڑھ کر سنائی گئی، معاون وکیل نے کہا کہ عدالت فرد جرم کی نقل فراہم کر دے۔ فاضل جج نے کہا کہ آپ طریقہ کار کے ذریعے نقل کے لیے درخواست دیں، عدالت نے ڈیڑھ بجے استغاثہ کے گواہان کو طلب کرتے ہوئے کیس کی سماعت میں ڈیڑھ بجے تک وقفہ کردیا۔
urdu news, Controversial tweet case