‘پھر وہی سنڈے’، ٹی 20 ورلڈکپ میں بھارتی شکست پر پاکستانی سوشل میڈیا صارفین عرفان پٹھان کا مذاق اڑانے لگے
رپورٹ. 5 سی این نیوز
‘پھر وہی سنڈے’، ٹی 20 ورلڈکپ میں بھارتی شکست پر پاکستانی سوشل میڈیا صارفین عرفان پٹھان کا مذاق اڑانے لگے، آئی سی سی ٹی ٹوئنٹی ورلڈکپ میں سپر ایٹ مرحلے کے گروپ ون کے میچ میں جنوبی افریقا کے ہاتھوں بھارت کی 76 رنز سے شکست کے بعد پاکستانی سوشل میڈیا صارفین نے سابق بھارتی کرکٹر عرفان پٹھان کو ایک بار پھر سنڈے یاد دلادیا۔
بھارت کے شہر احمد آباد میں موجود دنیا کے سب سے بڑے نریندر مودی کرکٹ اسٹیڈیم میں کھیلے گئے میچ میں بھارت کو ٹی ٹوئنٹی ورلڈکپ میں رنز کے اعتبار سے سب سے بڑی شکست کا سامنا کرنا پڑا۔ جنوبی افریقا نے پہلےکھیلتے ہوئے مقررہ 20 اوورز میں 7 وکٹ پر 187 رنز بنائے۔ ہدف کے تعاقب میں بھارتی بیٹنگ لائن بری طرح فلاپ ہوگئی اور پوری ٹیم 19 ویں اوور میں 111 رنز بنا کر آؤٹ ہوگئی۔ ورلڈکپ کے اہم میچ میں شکست پر جہاں بھارتی شائقین کرکٹ نے سوشل میڈیا پر بھارتی ٹیم کو سخت تنقید کا نشانہ بنایا وہیں پاکستانی سوشل میڈیا صارفین بھی میدان میں آگئے۔ جنوبی افریقہ کی فتح کے بعد پاکستانی سوشل میڈیا صارفین عرفان پٹھان کے پیچھے پڑگئے اور انہیں یاد دلانے لگے کہ آج سنڈے ہے اور صارفین نے میمز کا بھی ڈھیر لگادیا۔
ایک صارف نے ایکس پر پوسٹ کیا کہ ‘ بھائی، جو بھی یہ پوسٹ دیکھے، عرفان پٹھان کو ٹیگ کرکے بول دو ، سنڈے کیسا رہا،بھائی؟۔’
ایک اور صارف نے لکھا کہ ‘ کوئی عرفان پٹھان سے تو پوچھ لو سنڈے کیسا رہا؟’۔ ایک صارف نے سوال کیا کہ کیا عرفان پٹھان نے سرف کھالیا؟
sport news T20 World Cup match update
ہماری اخلاقی زمہ داری اور سستی شہرت کی دوڈ. یاسر دانیال صابری
معمار قوم پریشان. ریٹائرمنٹ کے خواب ادھورے. یاسمین اختر طوبیٰ ریسرچ اسکالر، گوجرہ پاکستان
