شگر ماہِ رمضان المبارک کے بابرکت مہینے میں مستحق اور نادار خاندانوں کی مدد کے لیے بلتستان ریجن میں فلاحی سرگرمیاں جاری ہیں. پاک ایڈ ویلفیئر ٹرسٹ
رپورٹ، 5 سی این نیوز
شگر ماہِ رمضان المبارک کے بابرکت مہینے میں مستحق اور نادار خاندانوں کی مدد کے لیے بلتستان ریجن میں فلاحی سرگرمیاں جاری ہیں. پاک ایڈ ویلفیئر ٹرسٹ
شگر ماہِ رمضان المبارک کے بابرکت مہینے میں مستحق اور نادار خاندانوں کی مدد کے لیے بلتستان ریجن میں فلاحی سرگرمیاں جاری ہیں۔ پاک ایڈ ویلفیئر ٹرسٹ اور عبداللہ فیملی کے تعاون سے رمضان پیکج کے تحت مختلف اضلاع میں مستحق افراد میں راشن تقسیم کیا جا رہا ہے۔ اسی سلسلے میں ضلع شگر کے بالائی اور دور افتادہ علاقے داسو میں ضلعی انتظامیہ کے اشتراک سے تقریباً سو مستحق گھرانوں میں راشن فراہم کیا گیا۔ راشن تقسیم کی تقریب میں اسسٹنٹ کمشنر شگر فیصل حیات گوندل نے خصوصی طور پر شرکت کی اور انتظامات کی نگرانی کرتے ہوئے مستحق افراد میں راشن تقسیم کرنے کے عمل میں معاونت فراہم کی۔ اس موقع پر علاقے کے معززین، مقامی عمائدین اور سماجی کارکنان بھی موجود تھے۔
رمضان پیکج کے تحت مستحق خاندانوں کو آٹا، چاول، دالیں، چینی، گھی اور دیگر بنیادی اشیائے خوردونوش فراہم کی گئیں تاکہ وہ ماہِ رمضان میں بہتر انداز میں اپنے گھریلو اخراجات پورے کر سکیں۔ اس سلسلے میں مقامی رضاکاروں نے بھی بھرپور تعاون کیا اور دور دراز علاقوں میں رہنے والے مستحق خاندانوں تک راشن پہنچانے میں مدد فراہم کی۔ اسسٹنٹ کمشنر شگر فیصل حیات گوندل نے کہا کہ مخیر حضرات اور فلاحی اداروں کے اقدامات معاشرے کے غریب اور نادار طبقات کے لیے بڑی سہولت کا باعث بنتے ہیں۔ انہوں نے PAK AID Welfare Trust اور عبداللہ فیملی کی جانب سے مستحق افراد کی مدد کو قابلِ تحسین قرار دیتے ہوئے ان کا شکریہ ادا کیا۔
مستحق خاندانوں اور مقامی لوگوں نے بھی اس اقدام کو سراہتے ہوئے کہا کہ رمضان المبارک میں اس طرح کی امداد ان کے لیے کسی بڑی نعمت سے کم نہیں۔ مقامی عمائدین نے کہا کہ بلتستان کے دور افتادہ علاقوں میں رہنے والے بہت سے خاندان معاشی مشکلات کا شکار ہیں، ایسے میں فلاحی اداروں اور مخیر حضرات کی جانب سے اس طرح کے اقدامات نہایت اہمیت کے حامل ہیں۔ انہوں نے امید ظاہر کی کہ مستقبل میں بھی PAK AID Welfare Trust اور دیگر فلاحی ادارے اسی طرح ضرورت مند افراد کی مدد کا سلسلہ جاری رکھیں گے تاکہ زیادہ سے زیادہ مستحق خاندان اس سے مستفید ہو سکیں اور معاشرے میں بھائی چارے اور خدمتِ خلق کے جذبے کو فروغ ملے۔

Thank you for reading this post, don't forget to subscribe!

news update Welfare Activities

ایک دور ،ایک وعدہ اور خواب. ثمینہ یونس چھوربٹ گانچھے

کتب بینی کا زوال منظور نظرؔ

گلگت بلتستان میں رہبرِ معظم آیت اللہ سید علی خامنہ ای کی شہادت کے موقع پر پیش آنے والے پرتشدد واقعات کی تحقیقات کے لیے جوڈیشل کمیشن قائم کر دیا