راولپنڈی بلتستان سٹوڈنٹس فیڈریشن (بی ایس ایف) راولپنڈی/اسلام آباد کے زیرِ اہتمام تقریبِ حلف برداری اور افطار پارٹی کا انعقاد
رپورٹ، 5 سی این نیوز
راولپنڈی بلتستان سٹوڈنٹس فیڈریشن (بی ایس ایف) راولپنڈی/اسلام آباد کے زیرِ اہتمام تقریبِ حلف برداری اور افطار پارٹی کا انعقاد کیا گیا جس میں مسلم لیگ (ن) گانچھے کے رہنما آصف حسین ایڈووکیٹ سمیت طلبہ، سماجی شخصیات اور بلتی کمیونٹی سے تعلق رکھنے والے افراد نے شرکت کی۔ تقریب میں بی ایس ایف کی نو منتخب کابینہ نے اپنے عہدوں کا حلف اٹھایا جبکہ شرکاء نے تنظیم کے کردار اور طلبہ کے مسائل کے حل کے حوالے سے اپنے خیالات کا اظہار کیا۔ اس موقع پر خطاب کرتے ہوئے مسلم لیگ (ن) گانچھے کے رہنما آصف حسین ایڈووکیٹ نے کہا کہ بلتستان سٹوڈنٹس فیڈریشن بلتی کمیونٹی کی ایک توانا آواز ہے اور یہ پلیٹ فارم طویل عرصے سے گلگت بلتستان کے طلبہ کے حقوق اور مسائل کو اجاگر کرنے میں اہم کردار ادا کر رہا ہے۔ انہوں نے کہا کہ تمام طلبہ کو اس پلیٹ فارم پر متحد ہو کر اپنے تعلیمی اور علمی حقوق کے حصول کے لیے جدوجہد جاری رکھنی چاہیے تاکہ گلگت بلتستان سے تعلق رکھنے والے طلبہ کو درپیش مسائل کو مؤثر انداز میں حل کیا جا سکے۔ انہوں نے نو منتخب کابینہ کے اراکین کو مبارکباد پیش کرتے ہوئے امید ظاہر کی کہ نئی قیادت طلبہ کے مسائل کے حل اور ان کے تعلیمی مستقبل کو بہتر بنانے کے لیے فعال کردار ادا کرے گی۔ تقریب کے اختتام پر شرکاء کے اعزاز میں افطار پارٹی بھی دی گئی جہاں طلبہ اور مہمانوں نے باہمی گفتگو کے ذریعے تنظیمی امور اور طلبہ کو درپیش مسائل پر تبادلۂ خیال کیا۔

Thank you for reading this post, don't forget to subscribe!

news update Oath-Taking Ceremony

>چھٹیوں کا موسم اور تعلیم کا ماتم. یاسمین اختر طوبیٰ ریسرچ اسکالر گوجرہ، پاکستان

گمبہ سکردو میں چوری کی وارداتیں، تاجروں میں تشویش، رات کو کرفیو کے دوران چوروں نے پانچ دکانوں کا صفایا کر دیا.

پراگریس (progress) اور گروتھ (growth): ترقی کے دو مختلف مگر مربوط زاویے. سلیم خان