اسکردو بلتستان اسٹوڈنٹس فیڈریشن کی کرفیو کے باعث تعلیمی و معاشی سرگرمیوں کی بندش پر تشویش کا اظہار
رپورٹ، 5 سی این نیوز
اسکردو بلتستان اسٹوڈنٹس فیڈریشن کی کرفیو کے باعث تعلیمی و معاشی سرگرمیوں کی بندش پر تشویش, بلتستان اسٹوڈنٹس فیڈریشن کشمیر ڈویژن کی گرلز ونگ کی صدر فاطمہ مہدی نے اپنے ایک بیان میں کہا ہے کہ علاقے میں گزشتہ کئی دنوں سے جاری کرفیو نے عوام کی زندگی کو شدید متاثر کر دیا ہے۔ انہوں نے کہا کہ مسلسل کرفیو کے باعث تعلیمی ادارے بند ہیں جس کی وجہ سے طلبہ و طالبات، خصوصاً طالبات کی تعلیم بری طرح متاثر ہو رہی ہے۔ فاطمہ مہدی کا کہنا تھا کہ سکولوں اور کالجوں کی بندش سے طلبہ کے تعلیمی مستقبل کو خطرات لاحق ہو رہے ہیں جبکہ کاروباری سرگرمیاں معطل ہونے کے باعث عام شہریوں کو شدید معاشی مشکلات کا سامنا کرنا پڑ رہا ہے۔ انہوں نے کہا کہ تعلیم اور روزگار کسی بھی معاشرے کی ترقی کی بنیادی بنیاد ہوتے ہیں، مگر موجودہ صورتحال میں دونوں شعبے بری طرح متاثر ہو رہے ہیں جو انتہائی تشویشناک امر ہے۔
انہوں نے حکومتی حکام سے پرزور اپیل کی کہ حالات کو جلد از جلد معمول پر لانے کے لیے مؤثر اقدامات کیے جائیں، تعلیمی اداروں کو فوری طور پر کھولا جائے اور کاروباری سرگرمیوں کو بحال کیا جائے تاکہ عوام کی مشکلات کم ہوں اور علاقے میں معمولاتِ زندگی دوبارہ بحال ہو سکیں۔

Thank you for reading this post, don't forget to subscribe!

news update Baltistan Students Federation Skardu

اسکردو میں حالیہ امن و امان کی صورتحال کے پیش نظر یکم مارچ سے کرفیو نافذ کیا گیا تھا، اسکردو میں کرفیو ختم کیا جا رہا ہے، انٹرنیٹ سروسز بحالی کا علان

چھٹیوں کا موسم اور تعلیم کا ماتم. یاسمین اختر طوبیٰ ریسرچ اسکالر گوجرہ، پاکستان

گمبہ سکردو میں چوری کی وارداتیں، تاجروں میں تشویش، رات کو کرفیو کے دوران چوروں نے پانچ دکانوں کا صفایا کر دیا.