شگر تا سکردو نئی سڑک: غفلت کا ایک اور خونی نتیجہ،. ذوہیر علی آزاد
شگر لمسہ تاسکردو اٹھارہ کلومیٹر کی نئی شاہرہ جو پچھلے آٹھ سالوں سے التوا کا شکار ہے گزشتہ دنوں پیش انے والے افسوسناک واقعے جس کے نتیجے میں تین قیمتی جانوں کا ضیاع ہوا، اس کے بعد پھر سے عوام کی توجہ کا مرکز بنی ہوئی ہے۔ تاہم پیش انے والا یہ افسوسناک حادثہ پہلی دفعہ نہیں بلکہ اس سے پہلے بھی مختلف حوادث میں کئی قیمتی جانے کھو چکے ہیں۔ پھر سے اس غفلت کا شکار بننے والے سڑک پر سوالات اٹھنے لگے ہیں کہ ایا یہ سڑک واقعی میں بننے جا رہا ہے یا محض وعدوں کی حد تک محدود ہے
وزیرِاعلیٰ گلگت بلتستان حاجی گلبر خان کے دورے کے موقع پر شگر تا اسکردو روڈ کو چودہ اگست 2024 تک افتتاح کرنے کا باضابطہ اعلان کیا گیا۔ اس اعلان کے بعد سول سوسائٹی، شگر اور میڈیا کے نمائندوں نے سڑک کا تفصیلی دورہ کیا۔ زمینی حقائق اور موجودہ صورتحال کا جائزہ لینے کے بعد یہ نتیجہ اخذ کیا گیا کہ چودہ اگست تک اس سڑک کی تکمیل ممکن نہیں تھی۔البتہ ایکسن شگر زکاوت علی کے تعینات کے بعد اس کام میں تیزی نظر آئی اور یوں توں کر کے ٹریفک کے لیے توکھول دیا گیا. مگر ستم ظریفی یہ کہ یہ روڈ بھی کئی جگہوں پر موڑ اور لمبے چڑھائی کی وجہ سے خطرے سے خالی نہیں۔ اس کے علاوہ سردیوں کے چار مہینے دسمبر سے لے کر مارچ تک برف کی وجہ سے یہ روڈ قابل استعمال نہیں۔

Thank you for reading this post, don't forget to subscribe!

غفلت کی نیند سوئی ہوئی عوام کو بھی اس واقعے سے سبق لینی چاہیے جو اس مسئلے کا شعور ہونے کے باوجود کھل کر میدان میں آ کر سوال کرنے کو تیار نہیں ماسوائے چند افراد کے۔ نمائندے، جو اج کل عوام کی خیر خواہ نظر ارہے ہیں اور بڑے بڑے دعوے کر رہے ہیں کبھی بھی کسی سے اس مسئلے پر بحث کرتے ہوئے نہیں سنا ستم ظریفی یہ کہ سیاسی قصیدے گاتے شگر کے عوام سوشل میڈیا پر اپنے لیڈروں کی دفاع میں لگے ہوئے ہیں۔
اب برسوں سے تاخیر کا شکار سڑک کے لیے اواز اٹھانے کا وقت ہوا چاہتا ہے. اب ہم مزید ایسے حوادث برداشت نہیں کر سکتے. اب وقت ہوا ہے کہ حکام بالا سے سوال کریں. اب جاگنے کا وقت ہو گیا ہے اور اب وقت ہوگیا ہے کہ جلد سے جلد اس روڈ کو مکمل کر کے باقاعدہ ٹریفک کے لیے کھول دی جائیں ۔
ہم پرورشِ لوح و قلم کرتے رہیں گے
جو دل پہ گزرتی ہے رقم کرتے رہیں گے

column in urdu Skardu Shigar Road Another Bloody Consequence of Negligence

شکریہ پاکستان‘، ٹی ٹوئنٹی ورلڈکپ سے متعلق شہباز شریف کے دبنگ بیان پر بنگلادیش کا ردعمل

پاکستان ریلوے آن لاین ٹکٹ، احمد وال اسٹیشن پر مال بردار ٹرین پر راکٹ حملہ، انجن تباہ، پل بھی دھماکے سے اڑا دیا گیا

افسانہ، مٹی کی خوشبو میں بندھی ریت . تحریر: یاسمین اختر طوبیٰ ریسرچ اسکالر، گوجرہ پاکستان