یہ ایک تلخ مگر ناقابلِ انکار حقیقت ہے کہ پاکستان کی بڑی سیاسی جماعتوں میں سے کسی نے بھی ایران کے حق میں مضبوط اور واضح آواز بلند نہیں کی. استاد محترم محمدعلی منتظر
رپورٹ، 5 سی این نیوز
یہ ایک تلخ مگر ناقابلِ انکار حقیقت ہے کہ پاکستان کی بڑی سیاسی جماعتوں میں سے کسی نے بھی ایران کے حق میں مضبوط اور واضح آواز بلند نہیں کی. استاد محترم محمدعلی منتظر
یہ ایک تلخ مگر ناقابلِ انکار حقیقت ہے کہ پاکستان کی بڑی سیاسی جماعتوں میں سے کسی نے بھی ایران کے حق میں مضبوط اور واضح آواز بلند نہیں کی۔ بلکہ بعض نے تو کھل کر امریکہ کے مؤقف کی تائید کی، اور کچھ نے تو اس حد تک بڑھ کر ایسے اقدامات کی حمایت کی جن پر نوبل انعامات تک کی سفارش کی گئ۔ یہ رویہ صرف سفارتی خاموشی نہیں، بلکہ ایک فکری سمت کی نشاندہی کرتا ہے ۔ ایک ایسی سمت جو امت کے اجتماعی مفاد سے ہٹ کر طاقت کے مراکز کی خوشنودی کو ترجیح دیتی نظر آتی ہے۔
اور دوسری طرف، یہ بھی حقیقت ہے کہ گلگت بلتستان کے عوام ہر پانچ سال بعد انہی جماعتوں کو ووٹ دے کر دوبارہ اقتدار میں لاتے ہیں۔ ہم خود انہی قوتوں کو تقویت دیتے ہیں، پھر شکوہ بھی کرتے ہیں کہ ہماری آواز کیوں نہیں سنی جاتی۔ جب ووٹ کا حق استعمال کرتے وقت ہم قومی و امتِ مسلمہ کے مفاد کو معیار نہیں بنائیں گے، تو فیصلے بھی اسی سوچ کے مطابق ہوں گے۔
وقت آ گیا ہے کہ ہم بطور قوم اپنے سیاسی شعور کا جائزہ لیں۔ جذبات وقتی نعرے نہیں، بلکہ مستقل مزاجی چاہتے ہیں۔ اگر ہم واقعی حق کے ساتھ کھڑے ہونا چاہتے ہیں، تو ہمیں اپنے انتخاب، اپنی ترجیحات اور اپنی خاموشیوں تینوں پر نظرِ ثانی کرنا ہوگی۔ کیونکہ تاریخ میں صرف وہی قومیں سرخرو ہوتی ہیں جو سچ کے ساتھ عملی طور پر بھی کھڑی ہوں، نہ کہ صرف الفاظ میں.
column in urdu major political parties
سپریم لیڈر خامنہ ای کی شہادت، آج جامعہ کراچی میں تدریس و امتحانات معطل رہیں گے، بڑا اعلان
