انقلابِ اسلامی ایران اور ولایتِ فقیہ کے نظام کے ساتھ تجدیدِ عہد . اسلامک سکالر محمد حسنین شگری
انقلابِ اسلامی ایران کسی ایک شخصیت، فرد یا قوم کا نام نہیں بلکہ ایک فکری اور عملی نظام ہے۔ یہ ایسا نظام ہے جو عقیدۂ ولایتِ فقیہ کے تحت امتِ مسلمہ کی رہنمائی کرتا ہے اور جسے ہم نظامِ مہدویت کے تسلسل کا ایک اہم مرحلہ سمجھتے ہیں۔
اس نظام میں رہبری کا منصب ولایتِ فقیہ کہلاتا ہے، اور اس منصب کے لیے کسی شخصیت کا انتخاب مجلسِ خبرگان کرتی ہے۔ مجلسِ خبرگان 88 ممتاز علماء اور مجتہدین پر مشتمل ایک ذمہ دار ادارہ ہے جو گہرے غور و فکر اور علمی معیار کو مدنظر رکھتے ہوئے اس بات کا فیصلہ کرتا ہے کہ کون سی شخصیت اس عظیم ذمہ داری کے لیے زیادہ اہل اور موزوں ہے۔
آیت اللہ العظمیٰ سید علی خامنہ ای شہید کے بعد مجلسِ خبرگان نے جس شخصیت کو اس عظیم منصب کے لیے منتخب کیا ہے، وہ حضرت آیت اللہ سید مجتبیٰ حسینی خامنہ ای ہیں۔
ہم دل کی گہرائیوں سے اس انتخاب کو قبول کرتے ہوئے مبارک باد پیش کرتے ہیں اور پورے اخلاص کے ساتھ یہ اعلان کرتے ہیں کہ ہم ان کی اطاعت، فرمانبرداری اور رہنمائی کو اسی طرح قبول کریں گے جس طرح ہم رہبرِ معظم سید علی خامنہ ای کی اطاعت کرتے رہے۔
ہمارے نزدیک یہ عہدہ اور یہ نظام کسی ایک فرد تک محدود نہیں بلکہ ایک الٰہی ذمہ داری ہے۔ اس منصب پر جو بھی شخصیت مجلسِ خبرگان کے ذریعے منتخب ہو، اس کی اطاعت ہمارے لیے باعثِ فخر اور باعثِ ذمہ داری ہے۔
ہم انقلابِ اسلامی ایران کو انقلابِ مہدیؑ کی تمہید اور اس کے لیے زمین ہموار کرنے کی ایک عظیم جدوجہد سمجھتے ہیں۔ ان شاء اللہ ہم اپنی تمام تر توانائیوں کے ساتھ اس راستے پر گامزن رہیں گے اور امامِ زمانہؑ کی عالمی الٰہی حکومت کے قیام کے لیے جدوجہد جاری رکھیں گے۔
آخر میں ہم ایک بار پھر حضرت آیت اللہ سید مجتبیٰ حسینی خامنہ ای کو منصبِ ولایتِ فقیہ پر فائز ہونے پر دل کی گہرائیوں سے مبارک باد پیش کرتے ہیں اور یہ عہد کرتے ہیں کہ ہم ان کی قیادت میں اسلام، انقلاب اور امتِ مسلمہ کی خدمت کے لیے اپنی جان، مال اور صلاحیتیں وقف کرنے کا عزم رکھتے ہیں۔
اللہ تعالیٰ ہمیں اس عہد پر ثابت قدم رکھے۔
والسلام

Thank you for reading this post, don't forget to subscribe!

column in urdu Iranian Islamic Revolution

قدیم ایرانی زبانیں۔تہذیب کی گمشدہ صدائیں. یاسمین اختر طوبیٰ ریسرچ اسکالر گوجرہ، پاکستان

صحافت پر قدغن: بین الاقوامی قوانین اور مقامی حقوق کی پامالی، صحافی عدنان راوت کو گرفتار کیا گیا

صدر ٹرمپ 6 اپریل کی ڈیڈلائن سے قبل ایران سے ڈیل چاہتے ہیں: ترجمان وائٹ ہاؤس