غیرت مند مرد عورت کی نمائش نہیں کرواتا، سید مظاہر حسین کاظمی
غیرت، عزت اور حیا وہ اقدار ہیں جو انسان کو جانوروں سے ممتاز کرتی ہیں۔ ایک غیرت مند مرد اپنی عزت اور خاندان کے وقار پر کبھی سمجھوتہ نہیں کرتا۔ خاص طور پر جب بات عورت کی عفت اور پردے کی ہو، تو یہ معاملہ کسی کمزوری یا مصلحت کی گنجائش نہیں چھوڑتا۔ قرآن و سنت نے عورت کے پردے اور عفت کو لازمی قرار دیا ہے، اور مرد کو اس کا محافظ بنایا ہے۔
آج کے دور میں سوشل میڈیا نے پردے اور عفت کے تصور کو سب سے زیادہ متاثر کیا ہے۔ عورتیں فیس بک، انسٹاگرام اور ٹک ٹاک پر یہ سوچ کر تصاویر اور ویڈیوز شیئر کرتی ہیں کہ یہ صرف “عورتوں کے لیے” ہیں۔ لیکن یہ محض دھوکہ ہے۔
کیا یہ ضمانت ہے کہ صرف عورتیں ہی وہ تصاویر دیکھیں گی؟
کیا یہ ممکن نہیں کہ کسی عورت کا شوہر یا بھائی اس کا موبائل استعمال کرے اور وہ تصاویر دیکھ لے؟
کیا یہ بعید ہے کہ کچھ مرد عورتوں کے نام سے جعلی اکاؤنٹس بنا کر ان تصاویر تک رسائی حاصل کریں؟
یہ سب وہ خطرات ہیں جنہیں نظرانداز کرنا نہ صرف حماقت بلکہ دین و غیرت سے خیانت ہے۔
اسلام نے مرد کو قوام بنایا ہے، یعنی خاندان کا محافظ اور ذمہ دار۔ اس کا مطلب یہ ہے کہ وہ اپنی بیوی، بیٹی اور بہن کے پردے کا نگران ہے۔
ایک غیرت مند اور دیندار مرد کبھی گوارہ نہیں کرتا کہ:
اس کی عورت اجنبی مردوں کے سامنے اپنی آواز، چہرہ یا جسم کی نمائش کرے۔
اس کی بیوی یا بیٹی “لائکس” اور “کمنٹس” کے پیچھے اپنی عزت کو نیلام کرے۔
کوئی اجنبی مرد اس کی بیوی یا بیٹی کی تصویر، ناخن یا سایہ تک دیکھے۔
غیرت مند مرد کی نظر میں مر جانا بہتر ہے لیکن اپنی عورت کی عزت پر دھبہ لگنے دینا ناقابلِ برداشت ہے۔
معاشرتی رویے اور دھوکہ دہی
جو مرد اپنی بیوی یا بیٹی کو پردے کا پابند بناتا ہے، اسے “شدت پسند” کہا جاتا ہے۔
جو مرد اپنی عورت کو سوشل میڈیا پر بے پردہ گھمانے دیتا ہے، وہ “روشن خیال” کہلاتا ہے۔
حالانکہ حقیقت اس کے برعکس ہے۔ اصل مردانگی یہ ہے کہ مرد اپنی غیرت اور عزت پر پہرہ دے۔ جو لوگ اپنی عورتوں کی نمائش کو “فیشن” یا “جدید سوچ” سمجھتے ہیں، وہ دراصل اپنی مردانگی کھو بیٹھے ہیں۔
اے بہن!
یاد رکھ کہ تیری اصل زینت پردے اور عفت میں ہے۔ دنیا کے چند لمحاتی لائکس اور کمنٹس کے لیے اپنی آخرت کو برباد نہ کر۔ یہ سچ ہے کہ:
تیری تصویر شاید کل تیری عزت کی تباہی کا سبب بن جائے۔
تیری ایک “ویڈیو” تیرے خاندان کے وقار کو خاک میں ملا سکتی ہے۔
تیری نمائش تجھے وقتی شہرت تو دے سکتی ہے مگر ہمیشہ کی بدنامی کا سبب بھی بن سکتی ہے۔
ایک غیرت مند مرد کبھی برداشت نہیں کرتا کہ اس کی عورت اپنی عزت نیلام کرے۔ اور ایک باشعور عورت کبھی اپنی عفت اور پردے پر سمجھوتہ نہیں کرتی۔
اس لیے وقت کی ضرورت یہ ہے کہ:
مرد اپنی غیرت کو زندہ کرے اور عورت کو نمائش سے روکے۔
عورت اپنی عزت کی حفاظت کرے اور اپنے دین پر قائم رہے۔
معاشرہ ایسے رویوں کو “فیشن” یا “روشن خیالی” کے بجائے “بے غیرتی” کے طور پر پہچانے۔
غیرت کے بغیر مرد، اور پردے کے بغیر عورت — دونوں اپنی اصل کھو دیتے ہیں۔
column in urdu, does not expose a woman,
اہم خبروںکی لنک ملاحظہ فرامایئں،
